ថ្ងៃទី 30 ខែកក្កដា ឆ្នាំ2012, ម៉ោង 01:54 PM ប្រែសម្រូលដោយ : ឃ្លោក ចន្នី
កេនយ៉ា (BBC) : មនុស្សចំនួន៦ នាក់ ត្រូវបានគេឃាត់ខ្លួន បន្ទាប់ពីប៉ូលិសបានសង្ស័យថា ពួកគេមានពាក់ព័ន្ធនឹងការធ្វើឃាតអ្នកការទូតជនជាតិវេណេ ហ្សុយអេឡាមួយរូប ដែលស្លាប់ ដោយសារការវាយដំយ៉ាងឃោរឃៅបំផុត នៅក្នុងផ្ទះរបស់ជនរងគ្រោះ។
លោកអែនថូនី គីប៊ូឈី (Anthony Kibuchi) ជាអធិការប៉ូលិសប្រចាំទីក្រុងណៃរ៉ូប៊ី (Nairobi) ប្រទេសកេនយ៉ា បានឱ្យដឹងថា “ការស៊ើបអង្កេតលើករណីមនុស្សឃោរឃៅសាហាវនេះ កំពុងប្រព្រឹត្តទៅយ៉ាងរលូន ហើយយើងរំពឹងថា យើងនឹងអាចរកឃើញទោសកំហុស ដើម្បីចោទប្រកាន់ពួកគេបាន”។
ប្រភពព័ត៌មានពីមន្ត្រីរបស់កេនយ៉ា បានឱ្យដឹងថា បុគ្គលិកដែលធ្លាប់ធ្វើការឱ្យអ្នកការទូតវេណេហ្សុយអេឡារូបនេះ គឺលោកស្រី អូលហ្គា ហ្វុនសេកា (Olga Fonseca) អាយុ៥៧ ឆ្នាំ បានរអ៊ូរទាំថា លោកស្រីបានបណ្តេញពួកគេចេញពីការងារ បន្ទាប់ពីពួកគេបានបដិសេធមិនទទូលសំណូកពីអ្នកកាន់តំណែងនេះ ពីមុន គឺលោកចឺរ៉ាដូ ដាស៊ីលវ៉ា (Gerardo da Silva) ដែលបានបញ្ចប់អណត្តិរយៈពេល៦ ឆ្នាំ របស់ខ្លួន កាលពី៦ ខែមុន។
