- Friday, 20 July 2012 16:53
អ្នកនាំពាក្យ យោធាបាននិយាយកាលពីថ្ងៃសុក្រថាជនស៊ីវិល២នាក់ ត្រូវបានសម្លាប់និង៤នាក់រងរបួសនៅក្នុងការបំផ្ទុះគ្រាប់និង ការបាញ់ប្រហារនៅភាគខាងត្បូងថៃ នៅពេលតំបន់នេះចាប់ផ្តើមខែពិសិដ្ឋរបស់សាសនាអ៊ិស្លាមដែលគេហៅថា រ៉ាម៉ាដាន។ឆ្មាំសន្តិសុខអាយុ២៥ឆ្នាំម្នាក់ត្រូវបាន បាញ់សម្លាប់នៅខេត្តផាតានីកាលពីព្រឹកថ្ងៃព្រហស្បតិ៍ នៅពេលបុរសអាយុ៣៩ឆ្នាំម្នាក់ទៀតបានស្លាប់នៅពេលក្រោយមកទៀតដោយ ការផ្ទុះគ្រាប់តាមដងផ្លូវមួយក្នុងខេត្តយ៉ាឡា ដែលក៏បានបណ្តាលអោយមនុស្សម្នាក់រងរបួសផងដែរ។
នៅទីប្រជុំជន ស៊ុនហ្កាយ កូឡុកនៃខេត្តណារ៉ាតធីវ៉ាត ជាប់ព្រំដែនម៉ាឡេស៊ី គ្រាប់បែកបង្កប់ក្នុងរថយន្តមួយបានផ្ទុះនៅផ្លូវមានការលក់ដូរមួយ កាលពីព្រឹកថ្ងៃសុក្រដោយបណ្តាលអោយរបួសមនុស្ស៣នាក់និងបំផ្លាញតូប ទំនិញជាច្រើន។
គ្រឿងផ្ទុះត្រូវបានបង្កប់ក្នុងរថយន្តមួយ បាំងកន្លះមួយដែលចតទុកលើផ្លូវនិងត្រូវបានចុចបំផ្ទុះនៅពេលមនុស្ស មកជួបជុំគ្នានៅផ្សារពេលព្រឹក។
អាជ្ញាធរបានព្រមានថាពួកសកម្មប្រយុទ្ធទំនងជាប៉ុនប៉ងធ្វើការវាយប្រហារទ្រង់ទ្រាយធំណាមួយនៅមុនរ៉ាម៉ាដាន។
ការបះបោរស្រមោលមួយដែលគ្មានអះអាងអំពីគោលបំណងច្បាស់លាស់បានឆាបឆេះ នៅខេត្តភាគខាងត្បូងបីរបស់ថៃគឺផាតានី ,ណារ៉ាតធីវ៉ាតនិងយ៉ាឡា ចាប់តាំងពីឆ្នាំ២០០៤មក។
ការផ្ទុះគ្រាប់និងបាញ់ប្រហារ ស្ទើរ រាល់ថ្ងៃដោយផ្តោតលើទាំងលើទាហាននិងស៊ីវិល អ្នកកាន់សាសនាព្រះពុទ្ធនិងអ៊ិស្លាម បានឆក់យកអាយុជីវិតមនុស្សជាង៥.០០០នាក់ក្នុងរយៈពេល៨ឆ្នាំមកនេះ៕ (CEN.COM.KH)
គ្រឿងផ្ទុះត្រូវបានបង្កប់ក្នុងរថយន្តមួយ បាំងកន្លះមួយដែលចតទុកលើផ្លូវនិងត្រូវបានចុចបំផ្ទុះនៅពេលមនុស្ស មកជួបជុំគ្នានៅផ្សារពេលព្រឹក។
អាជ្ញាធរបានព្រមានថាពួកសកម្មប្រយុទ្ធទំនងជាប៉ុនប៉ងធ្វើការវាយប្រហារទ្រង់ទ្រាយធំណាមួយនៅមុនរ៉ាម៉ាដាន។
ការបះបោរស្រមោលមួយដែលគ្មានអះអាងអំពីគោលបំណងច្បាស់លាស់បានឆាបឆេះ នៅខេត្តភាគខាងត្បូងបីរបស់ថៃគឺផាតានី ,ណារ៉ាតធីវ៉ាតនិងយ៉ាឡា ចាប់តាំងពីឆ្នាំ២០០៤មក។
ការផ្ទុះគ្រាប់និងបាញ់ប្រហារ ស្ទើរ រាល់ថ្ងៃដោយផ្តោតលើទាំងលើទាហាននិងស៊ីវិល អ្នកកាន់សាសនាព្រះពុទ្ធនិងអ៊ិស្លាម បានឆក់យកអាយុជីវិតមនុស្សជាង៥.០០០នាក់ក្នុងរយៈពេល៨ឆ្នាំមកនេះ៕ (CEN.COM.KH)
