- Friday, 20 July 2012 17:23
ក្រុម អ្នកស៊ើបអង្កេតក្នុងប្រទេសប៉េរូបានរក ឃើញចំនួនក្រដាសប្រាក់ក្លែងក្លាយយ៉ាងច្រើនដែលមានតម្លៃ ២,៥ លានផោន ។ ការបង្ក្រាបមួយនៅក្នុងរដ្ឋធានីលីម៉ាបានរកឃើញប្រតិបត្តិការ ទ្រង់ទ្រាយធំមួយដែលផលិតប្រាក់ដុល្លារអាមេរិក និង លុយអឺរ៉ូក្លែងកា្លយប្រើនូវបច្ចេកវិទ្យាខ្ពស់ទាន់សម័យ ។ ប៉ូលិសបានចេញមកបង្ហាញការរកឃើញប្រាក់ក្លែងក្លាយនេះទាំងមោទនភាពនៅ សន្និសិទកាសែតមួយកាលពីថ្ងៃទី ១៨ កក្កដា ២០១២ ក្នុងនោះមានលុយដុល្លារក្លែងក្លាយចំនួន ២ លានដុល្លារ និង លុយអឺរ៉ូក្លែងក្លាយចំនួន ១,៥ លានអឺរ៉ូ ។
ប៉ូលិសក៏បានរកឃើញឧបករណ៍សម្រាប់ផលិតលុយក្លែងក្លាយមួយចំនួនផងដែរ ក្នុងនោះមានទាំងម៉ាស៊ីនបោះពុម្ព និង តែមប្រើដើម្បីបន្លំត្រា និង ស្នាមពៀចនៅលើសន្លឹកក្រដាសប្រាក់ ។
ក្នុង ប៉ុន្មានឆ្នាំចុងក្រោយនេះ ប្រទេសប៉េរូបានក្លាយជាអ្នកផលិតលុយក្លែងក្លាយឈានមុខគេនៅក្នុង ពិភពលោក ដោយផលិតចេញនូវប្រាក់ដុល្លារ អឺរ៉ូ, bolívares fuertes របស់វេណេហ្ស៊ុយអេឡា, និង ប៉េសូរបស់បូលីវី និង ឈីលីក្លែងក្លាយក្នុងចំនួនរាប់សិបលាន ។ ប្រាក់ជាង ៣០ លានដុល្លារត្រូវបានរឹបអូសនៅក្នុងប្រទេសនេះគ្រាន់តែនៅចន្លោះឆ្នាំ ២០០៩ និង ២០១០ ។
នៅក្នុងការបង្ក្រាបមួយក្នុង ខែកញ្ញា ២០១០ ក្រុមមន្ត្រីបានរកឃើញរូបិយប័ណ្ណអន្តរជាតិជាច្រើនប្រភេទមានតម្លៃជាង ២៧ លានដុល្លារ ជាចំនួនច្រើនបំផុតនៅក្នុងកំណត់ត្រា ។
ប៉ុន្តែប៉ូលិសប៉េរូបានអះអាងថា សាច់ប្រាក់ដែលត្រូវបានរឹបអូសទាំងនោះគ្រាន់តែចំនួនមួយតិចតួច ប៉ុណ្ណោះដែលត្រូវបានបោះពុម្ភក្នុងមួយឆ្នាំៗ ព្រោះលុយក្លែងក្លាយភាគច្រើនបានហូរចេញតាមរយៈអ៊ីនធឺណេត និង ការចរាចរណ៍ពីមនុស្សម្នាក់ទៅមនុស្សម្នាក់ទៀត ៕ (CEN.COM.KH)
