បដិសេធផែនការរបស់អាមេរិក ដើម្បីដាក់ពង្រាយយន្តហោះយោធាOsprey នៅកោះអូគីណាវ៉ា នៅក្នុងចំណោម
ការព្រួយបារម្ភ អំពីបញ្ហាសុវត្ថិភាព។
អភិបាលក្រុង អូគីណាវ៉ា លោកហ៊ីរ៉ូកាហ្សូណាគៃម៉ា បាននិយាយប្រាប់លោក សាតូស៊ីម៉ូរីម៉ូតូ រដ្ឋមន្ត្រីក្រសួងការ
ពារបរទេសជប៉ុនថា«យើង គ្មានជម្រើសទេប៉ុន្តែគឺបដិសេធបញ្ហានេះប្រសិនបើពួកគេនាំមកដោយបង្ខំនូវអ្វីដែល
ជាការសង្ស័យអំពី សុវត្ថិភាពរបស់វានោះ »។
លោក ណាកៃម៉ា និង លោកម៉ូរីម៉ូតូ បានជួបគ្នានៅការិយាល័យអភិបាលក្រុង នៅទីក្រុងណាហា ខណៈដែលប្រ
ជាជន២០០នាក់ បានធ្វើបាតុកម្មនៅខាងក្រៅដើម្បីតវ៉ាអំពីការបន្តមានវត្តមាន របស់អាមេរិក នៅលើកោះនេះ។
ទោះបីជារដ្ឋាភិបាលជប៉ុន មិនមានផែនការត្រឹមត្រូវតាមច្បាប់ដើម្បីបដិសេធ ផែនការដាក់ពង្រាយរបស់អាមេរិក
នេះក៏ដោយ ក៏ការខឹងសម្បារពីអ្នកកោះអូគីណាវ៉ា អាចធ្វើឲ្យរេចរឹលបន្ថែមទៀតនូវការគាំទ្រពីសាធារណជន
ចំពោះរដ្ឋាភិបាលរបស់នាយករដ្ឋមន្ត្រី យ៉ូស៊ីហ៊ីតូណូដាដែរ។
កាលពី ថ្ងៃសុក្រ ក្រុងវ៉ាស៊ីនតោន បានជូនព័ត៌មានជាផ្លូវការដល់ក្រុងតូក្យូថាខ្លួននឹងធ្វើដំណើរ ទៅមុខជាមួយ
នឹងផែនការដាក់ពង្រាយយន្តហោះOsprey នៅមូលដ្ឋានទ័ពអាកាស Futenma នៅជិតទីក្រុងណាហានៅក្នុង
ខែតុលា។ លោក ណាកៃម៉ា បាននិយាយប្រាប់ក្រុមអ្នករាយការណ៍ព័ត៌មានថា« ប្រសិនបើអាមេរិក បង្ខំដាក់
ពង្រាយយន្តហោះ Osprey ហើយ ឧប្បត្តិហេតុមួយ ឬ ក៏ឧប្បត្តិហេតុ មួយទៀត កើតឡើងនៅក្នុងតំបន់ដែល
មានប្រជាជនច្រើនកុះករនេះ វានឹងនាំទៅដល់ចលនាមួយទាមទារឲ្យបិទជាបន្ទាន់នូវមូលដ្ឋានទាំងអស់» ។
យន្តហោះ នេះត្រូវបានរំខាន ជាមួយនឹងបញ្ហាទាំងឡាយនៅក្នុងបណ្ដាឆ្នាំដំបូង របស់វា នៅទសវត្សរ៍ ឆ្នាំ១៩៩០
ប៉ុន្តែមន្ត្រីអាមេរិក បាននិយាយថាកំហុសបន្តិចបន្តួចខាងបច្ចេកទេសត្រូវបានសំអាតហើយៗ អង្គភាពកងម៉ារីន
របស់អាមេរិកបាននិយាយថាយន្តហោះនេះវាមាន ប្រយោជន៍យ៉ាងខ្លាំង៕akt
