ថ្ងៃទី 02 ខែសីហា ឆ្នាំ2012, ម៉ោង 01:55 PM ប្រែសម្រូលដោយ : ឃ្លោក ចន្នី
ចិន (BBC):សកម្មជនមួយរូបរបស់ចិនលោកឈិន កង់ឆឹង ដែលបានចេញទៅសហរដ្ឋអាមេរិក តាំងពីខែឧសភា បានស្នើឱ្យសហរដ្ឋអាមេរិកស៊ើបអង្កេតលើរឿងក្តីរបស់លោក ព្រមទាំងការពារក្រុមគ្រួសារ នៅប្រទេសចិនផងដែរ។
លោកឈិន បាននិយាយឱ្យដឹង បន្ទាប់កិច្ចប្រជុំជាមួយសមាជិកសភាអាមេរិកថា “រដ្ឋាភិបាល មិនបានធានាអះអាងឱ្យបានច្បាស់ នៅពេលដែលលោកចាកចេញពីប្រទេសចិននោះឡើយ នេះហើយ វានៅតែមានភាពតានតឹងដែលធ្វើឱ្យលោកមានការ បារម្ភយ៉ាងខ្លាំងពីសុវត្ថិភាពគ្រួសារ”។
សកម្មជនវ័យ៣០ឆ្នាំនេះ បន្តឱ្យដឹងទៀតថា “ទោះបីជារដ្ឋាភិបាល បានសន្យានឹងមើលថែគ្រួសារបស់ខ្ញុំ ក៏ដោយ ប៉ុន្តែមកទល់ពេលនេះ មានរយៈពេល៣ ខែមកហើយ ដែលខ្ញុំមិនទាន់បានទទួលព័ត៌មានអ្វីសោះពីពួកគេ ឬដំណើរការនៃរឿងក្តីរបស់ខ្ញុំ”។
គួរបញ្ជាក់លោកឈិន ត្រូវបានគេកាត់ទោសឱ្យជាប់ពន្ធនាគារលើសពី៤ ឆ្នាំ នៅឆ្នាំ២០០៦ បន្ទាប់ពីលោកបានបំពានច្បាប់គោលនយោបាលកូនម្នាក់របស់ចិន។ ក្រោយមកលោកត្រូវបានគេដោះលែង នៅឆ្នាំ២០១០ ប៉ុន្តែ លោកត្រូវគេដាក់ទោសឃុំឱ្យនៅក្នុងផ្ទះ ដោយពេលនេះ រដ្ឋាភិបាលចិន បានអនុញ្ញាតឱ្យលោកចាកចេញពីប្រទេស មកសហរដ្ឋអាមេរិក ដើម្បីសិក្សាផ្នែកច្បាប់បន្ថែម៕
