ដោយ ៖ ម៉ែវ សាធី ថ្ងៃទី 10 សីហា 2012ម៉ោង 14:14:42
មន្ទីរបញ្ចកោណ អាមេរិកបានដាក់ពង្រាយប្រព័ន្ធកាំជ្រួចមីស៊ីលការពាររបស់ខ្លួន នៅជុំវិញពិភពលោក ពិសេសតំបន់អាស៊ីប៉ាស៊ីហ្វិក ដោយមានកាំ ជ្រួចមីស៊ីលវាយស្ទាក់ដ៏ទំនើបៗ បានដាក់ពង្រាយទាំងនៅលើដីគោក និងដែនសមុទ្រ ។សកម្មភាពខាងលើរបស់អាមេរិក ដោយសង្ឃឹមថា នឹងទទួលបានឥទ្ធិពល លើគ្រប់វិស័យនៅតំបន់អាស៊ីប៉ាស៊ីហ្វិក ពិសេសគឺបង្ហាញឥទ្ធិពលនិងកម្លាំងដ៏ខ្លាំង ក្លារបស់ខ្លួនជាមួយប្រទេសចិន ។ ប៉ុន្ដែទីក្រុងវ៉ាស៊ីនតោនមិនចង់ប្រឈមមុខ ដោយផ្ទាល់នូវកម្លាំងយោធាជាមួយប៉េ កាំងនោះឡើយ ដោយចង់រារាំងទប់ស្កាត់ ឡោមព័ទ្ធចិនឱ្យដើរតាមគន្លងរបស់ អាមេរិកដែលគូសឱ្យតែប៉ុណ្ណោះ ។
ទីក្រុងប៉េកាំងបង្ហាញការព្រួយបារម្ភ
ពាក់ព័ន្ធនឹងប្រព័ន្ធ កាំជ្រួចមីស៊ីលការ ពារនៅតំបន់អាស៊ីប៉ាស៊ីហ្វិក ឧបការីរដ្ឋមន្ដ្រីក្រសួងការពារជាតិអាមេរិកទទួល បន្ទុកយុទ្ធសាស្ដ្រលើពិភពលោក លោក Madelyn Creedon បញ្ជាក់ថា ការខិតខំបង្កើនប្រព័ន្ធកាំជ្រួចមីស៊ីលការពារនោះ ឋិតក្នុងទម្រង់ពិភាក្សាត្រីភាគីជាមួយ ប្រទេសជប៉ុននិងអូស្ដ្រាលី ។ មន្ទីរបញ្ចកោណបានបញ្ជាក់ទៀតថា ប្រព័ន្ធកាំជ្រួច មីស៊ីលការពារទាំងនោះអាចជួយទប់ ស្កាត់ការគំរាមកំហែងវាយប្រហារពីអ៊ីរ៉ង់ និងកូរ៉េខាងជើងដោយកាំជ្រួចមីស៊ីលឆ្លងទ្វីប ។
ក្រោយការប្រកាសរបស់អាមេ រិក ចិនបានបង្ហាញការព្រួយបារម្ភយ៉ាងខ្លាំង ពីគម្រោងដាក់ប្រព័ន្ធកាំជ្រួចមីស៊ីលការ ពារនៅទ្វីបអាស៊ី និងធ្វើឱ្យបាត់បង់តុល្យ ភាពយោធានៅក្នុងតំបន់ ។ ដើម្បីរក្សា កងកម្លាំងទប់ទល់ដែលគួរឱ្យទុកចិត្ដនោះ ទីក្រុងប៉េកាំងមិនអាចនៅស្ងៀមដោយ មិនអភិរក្សសព្វាវុធរបស់ខ្លួនដើម្បីតបត ទៅនឹងសកម្មភាពទាំងនោះបានឡើយ ។
មេទ័ពចិន១រូបបានបញ្ជាក់ ថា ប្រព័ន្ធកាំជ្រួចមីស៊ីលការពាររបស់អាមេរិក បានបំផ្លាញសុទ្ធសឹងជាស្ថិរភាពនិងយុទ្ធ សាស្ដ្រយោធាក្នុងតំបន់ ។ មេទ័ពចិនធ្លាប់ បានប្រកាសកាលពីឆ្នាំ២០០៥ ដោយគំរាមកំហែងទៅលើអាមេរិកថា ប្រសិនបើអាមេរិកជ្រៀតជ្រែកដោយយោធា ទៅលើបញ្ហាវិវាទរវាងចិនដីគោកនិងកោះតៃវ៉ាន់នោះ ទីក្រុងប៉េកាំងនឹងប្រើប្រាស់អាវុធបរិមាណូតបតនឹងអាមេរិក។ ដូច្នេះចិនបានបង្កើនការអភិវឌ្ឍប្រព័ន្ធ កាំជ្រួចមីស៊ីលការពាររបស់ខ្លួនឱ្យកាន់ តែមានប្រសិទ្ធភាព និងគួរឱ្យទុកចិត្ដបំផុត ។
តាមការទូទាត់របស់ក្រសួងការពារ ជាតិអាមេរិក បច្ចុប្បន្នចិនបានដាក់ ពង្រាយប្រព័ន្ធកាំជ្រួចមីស៊ីលការពារ ដែលអាចបំពាក់ក្បាលគ្រាប់បរិមាណូពី ១៩០-១៩៥ដើម ។ ការព្យាករណ៍នោះ បានបង្ហាញយ៉ាងច្បាស់ថា ក្រុមចារកម្ម របស់អាមេរិកក៏គ្មានភាពប្រាកដប្រជា ស្ដីអំពីឃ្លាំងអាវុធបរិមាណូរបស់ចិន នោះឡើយ ។ មកទល់ពេលនេះ មន្ដ្រី យោធាជាន់ខ្ពស់ចិនក៏មិនដែលបានប្រកាស ព័ត៌មានលំអិតស្ដីអំពីវិធីសាស្ដ្រក្នុងការ អភិវឌ្ឍន៍ឃ្លាំងអាវុធបរិមាណូរបស់ខ្លួន ក្នុងការទប់ទល់នឹងប្រព័ន្ធកាំជ្រួចមីស៊ីល ការពាររបស់អាមេរិកដែលដាក់នៅក្នុង តំបន់អាស៊ីប៉ាស៊ីហ្វិកនាពេលអនាគត ។
បច្ចុប្បន្នអាមេរិក-ចិនកំពុងតែធ្វើសង្គ្រាមដោយគ្មានសំឡេងផ្ទុះអាវុធ ?
តាមសារព័ត៌មានរុស្ស៊ីផ្សព្វផ្សាយ ថា ប្រសិនបើអាមេរិកអាចធ្វើឱ្យចិនត្រូវតែ ចំណាយដើមទុនក្នុងមួយឆ្នាំៗរាប់រយ ពាន់លានដុល្លារដើម្បីបង្កើនការអភិវឌ្ឍ សព្វាវុធ ប្រកួងប្រជែងសព្វាវុធនោះ អាចធ្វើឱ្យសេដ្ឋកិច្ចចិនមានការធ្លាក់ចុះ ចំណែកស្ថានភាពសង្គមនៅចិនក៏ប្រែ ប្រួលអាក្រក់ ពេលនោះទីក្រុងវ៉ាស៊ីនតោន មិនចាំបាច់ប្រើគ្រាប់កាំភ្លើង១គ្រាប់ណា ឡើយ ក៏ធ្វើឱ្យចិនត្រូវបរាជ័យផងដែរ ។
GDP សរុបរបស់ចិននៅឆ្នាំ២០១១ មានរហូត៧.៥០០ពាន់លានដុល្លារ គឺស្មើ តែពាក់កណ្ដាលអាមេរិកប៉ុណ្ណោះ ដែល មានរហូតដល់១៥.១០០ពាន់លានដុល្លារ។ លើសពីនេះទៀត អ្នកឯកទេសសេដ្ឋកិច្ច ចាត់ទុកថា ដើម្បីវាយតម្លៃឱ្យបានច្បាស់ លាស់អំពីសេដ្ឋកិច្ចនោះ គឺត្រូវផ្ដើមចេញ ពី GDP សម្រាប់មនុស្សម្នាក់ៗ ។
តាមរបាយការណ៍របស់ធនាគារ ពិភពលោកនៅឆ្នាំ២០០៥ពលរដ្ឋម្នាក់ៗ ដែលមានប្រាក់ចំណូលមធ្យមនៅចិន គឺ ទាបជាងប្រទេសចំនួន១២៧នៅលើពិភព លោក ដូច្នេះ ចិនមានប្រាក់ចំណូលមធ្យម សម្រាប់មនុស្សម្នាក់ៗឋិតនៅលំដាប់ទី ១២៧លើពិភពលោក ។
ឆ្នាំ២០០៩ ចំនួនមធ្យមសម្រាប់ ពលរដ្ឋចិនម្នាក់ៗមានតែ៣.៦៥០ដុល្លារក្នុង១ឆ្នាំ ទាបជាងប្រទេសចំនួន១២៤លើ ពិភពលោក ។ ចំណែកតួលេខរបស់មូល និធិរូបិយវត្ថុអន្ដរជាតិ(IMF)បង្ហាញឱ្យ ឃើញថា នៅឆ្នាំ២០០៩ GDP មធ្យម របស់អាមេរិកមានរហូតដល់៤៦.០០០ ដុល្លារក្នុងមនុស្សម្នាក់ៗ ។ បន្ទាប់មក គឺ ជប៉ុនមធ្យមពលរដ្ឋម្នាក់ៗរកបានប្រាក់ ចំណូន៤ម៉ឺនដុល្លារក្នុង១ឆ្នាំ ចំណែកចិន មានតែ៤.០០០ដុល្លារក្នុង១ឆ្នាំប៉ុណ្ណោះ។ ក្នុងពេលជាមួយគ្នានេះ GDP ជាតិរបស់ ជប៉ុននិងចិនមានប្រហាក់ប្រហែលគ្នា ដូច្នេះបើទោះបីចិនឈរលំដាប់ប្រទេស ដែលមានសេដ្ឋកិច្ចទី២លើពិភពលោក ប៉ុន្ដែការរស់នៅរបស់ពលរដ្ឋវិញទាប ជាងអាមេរិកនិងជប៉ុនយ៉ាងឆ្ងាយ ។
នៅក្នុងប្រទេសចិននៃឆ្នាំ ២០១១ មានពលរដ្ឋក្រីក្ររហូតដល់២៥០លាន នាក់ ហើយការលើសខ្វះគ្នារវាងអ្នកមាន និងអ្នកក្របានជះឥទ្ធិពលដោយផ្ទាល់ដល់ កំណើន GDP របស់ចិន ពិសេសគឺស្ថាន ភាពអសន្ដិសុខក្នុងសង្គម តំបន់ដែល មានសេដ្ឋកិច្ចទុនខ្សោយ ។
ក្នុងពេលជាមួយគ្នានោះ ទីក្រុងប៉េកាំង ត្រូវចំណាយប្រាក់រាប់រយពាន់លានដុល្លារ ដើម្បីធ្វើការស្រាវជ្រាវនិងអភិវឌ្ឍសព្វា វុធដោយខ្លួនឯង ។ សារព័ត៌មានរុស្ស៊ី បានដកស្រង់សំដីអ្នកឯកទេសមកពីមជ្ឈ មណ្ឌលវិភាគPS លោក Conn Harriman បញ្ជាក់ថា មូលនិធិសម្រាប់ការពារជាតិ ចិននាពេលបច្ចុប្បន្នឈរលំដាប់ទី២លើ ពិភពលោក ដែលមានរហូតដល់១០៦ ពាន់លានដុល្លារ ។ ប្រសិនបើមូលនិធិ សម្រាប់ការពារជាតិទាំងនោះយកទៅ ប្រើប្រាស់សម្រាប់អភិវឌ្ឍភាពក្រីក្រពិត ជាធ្វើឱ្យចិនអាចរក្សាបាននូវសេដ្ឋកិច្ចល្អ ប្រសើរ ។ ស្ថានភាពរវាងអាមេរិក និងចិននាពេលបច្ចុប្បន្ន បានធ្វើឱ្យមនុស្ស ជាច្រើននឹកឃើញដល់ភាពស្រដៀង គ្នាដែលធ្លាប់បានកើតឡើងនៅក្នុង សង្គ្រាមត្រជាក់ ។ បច្ចុប្បន្នចិននៅតែ បន្ដបង្កើនការអភិវឌ្ឍកម្លាំងយោធា សព្វាវុធ ដោយមិនខ្វាយខ្វល់ពីអសន្ដិសុខ ក្នុងសង្គមអាចបង្កឱ្យមានវិបត្ដិក្នុងសង្គម ជាក់ជាមិនខាន ។
អ្នកឯកទេសវិភាគរបស់អូស្ដ្រាលី លោក Gregory Clark និងជាអតីតមន្ដ្រី ការបរទេសបានបញ្ជាក់ថា ប្រសិនបើចិននៅតែបន្ដសកម្មភាពអភិវឌ្ឍសព្វាវុធ ដែលត្រូវចំណាយប្រាក់ច្រើនសន្ធឹកសន្ធាប់នោះ នឹងធ្វើឱ្យចិនត្រូវតែប្រឈមមុខនឹងវិបត្ដិក្នុងពេលអនាគត ៕nokorwat
