ព័ត៌មានអន្តរជាតិ: ភាពតានតឹងនៅអាស៊ីអាចជះឥទ្ធិពលដល់ការរីកលូតលាស់សេដ្ឋកិច្ច

នាយក រដ្ឋមន្ត្រីថៃបាននិយាយប្រាប់វេទិកាអន្តរជាតិមួយថា ការរីកចម្រើនសេដ្ឋកិច្ចអាស៊ីអាចជួយដល់សេដ្ឋកិច្ចពិភពលោកដែល មានភាពមិនប្រាកដប្រជា។

ទោះជាយ៉ាងនេះក្តីលោកស្រី នាយករដ្ឋមន្ត្រីក៏បាន ព្រមានផងដែរថាវិវាទដែនដីរវាងប្រទេសចិននិងប្រទេសជិតខាងរបស់ ខ្លួនលើប្រជុំកោះមានជម្លោះអាចរារាំងបំផ្លាញដល់ការអភិវឌ្ឍសេដ្ឋ កិច្ច។
នៅក្នុងសុន្ទរកថាមួយថ្លែងទៅកាន់វេទិកា អាស៊ីនៅទីក្រុងញូយ៉ក លោកស្រី Yingluck Shinawatra បានមានប្រសាសន៍បន្តទៀតថាអាស៊ីមិនអាចនឹងលើកកម្ពស់ការអភិវឌ្ឍ សេដ្ឋកិច្ច និងវិបុលភាពបានទេប្រសិនបើមានភាពតានតឹង។

លោក ស្រីបានបន្តទៀតថាសេដ្ឋកិច្ចរបស់ប្រទេសថៃមានស្ថិរភាពឡើងវិញ បន្ទាប់ពីការតវ៉ាប្រកបដោយហិង្សាកាលពីពីរឆ្នាំមុន ហើយឆ្នាំនេះរំពឹងថានឹងមានការរីកចម្រើនពី ៥.៥ ទៅ ៦ ភាគរយ៕ ប្រភពព័ត៌មាន ៖ radio australia