ជនរងគ្រោះខ្លះ ត្រូវបានបញ្ជូនទៅមន្ទីរពេទ្យ នៅខេត្តជិតខាង ផេសាវ៉ារ
ប៉ាគីស្ថាន៖ ផ្ទុះគ្រាប់បែកនៅផ្សារដាររ៉ា អាដាម ខេល សម្លាប់មនុស្ស ១៤នាក់
ថ្ងៃទី 13 ខែតុលា ឆ្នាំ2012, ម៉ោង 05:18 PM ប្រែសម្រួលៈ ស៊ុនហ្វាន
ជនរងគ្រោះ ក្នុងហេតុការណ៍បំផ្ទុះរថយន្តនៅដាររ៉ា អាដាម ខេល ភាគពាយ័ព្យប្រទេសប៉ាគីស្ថានតាមប្រភពខ្លះ បាននិយាយថា អ្នកវាយប្រហារអត្តឃាត បានបំផ្ទុះរថយន្តមួយ នៅក្រុងដាររ៉ា អាដាម ខេល(Darra Adam Khel) ជិតតំបន់កុលសម្ព័ន្ធខៃបឺរ(Khyber) ការវាយប្រហារ នេះ ក្រុមមន្ត្រីរដ្ឋាភិបាលសង្ស័យថា មានគោលដៅសម្តៅទៅលើក្រុមសកម្មប្រយុទ្ធ ដែលប្រកាន់និន្នាការរដ្ឋាភិបាល ដែលត្រូវបង្កើតឡើងដើម្បីប្រយុទ្ធនឹងក្រុមតាលីបង់។
បើតាមកាសែតប៉ាគីស្ថានDawn បានរាយការណ៍ថា ហាងចំនួន២០ ដែលនៅក្បែរនោះ បានរងការខូចខាត។ អ្នករងរបួស ត្រូវបានបញ្ជូនទៅកាន់មន្ទីរពេទ្យ នៅក្រុងមួយទៀត ដែលនៅក្បែរនោះ ព្រោះផ្នែកសុខាភិបាលនៅតំបន់នេះ ពុំមានលក្ខណៈគ្រប់គ្រាន់ ដើម្បីជួយសង្គ្រោះ។ ឯអ្នកខ្លះ ទៀត ត្រូវបានបញ្ជូនទៅខេត្តផេសាវ៉ារ(Peshawar) នៅភាគខាងជើង ដែលត្រូវធ្វើដំណើរតាមរថយន្តរយៈពេល ១ម៉ោង ទើបទៅដល់។
ក្រុមមន្ត្រីប៉ាគីស្ថានថា បាននិយាយថា គ្មានក្រុមណាមួយ អះអាងទទួលខុសត្រូវ លើការបំផ្ទុះនេះទេ ប៉ុន្តែការវាយប្រហារមុនៗនេះ នៅតំបន់នេះ ត្រូវបានគេបន្ទោសលើក្រុមតាលីបង់។
គួរបញ្ជាក់ថា ការវាយប្រហារទៅលើទីក្រុងនេះ កាលពី២ ឆ្នាំមុន បានសម្លាប់មនុស្សជាង៧០នាក់៕
akt
