ព័ត៌មានអន្តរជាតិ: កូរ៉េខាងជើងគំរាមវាយប្រហារកូរ៉េខាងត្បូង រឿងខិតប័ណ្ណរិះគន់

កូរ៉េ ខាងជើងដែលជាប្រទេសក្រីក្រ នៅថ្ងៃសុក្រនេះ បានធ្វើការគំរាមវាយប្រហារ លើកូរ៉េខាងត្បូង ប្រសិនបើ កូរ៉េខាងត្បូងបន្តអនុញ្ញាតឲ្យសកម្មជនក្នុងប្រទេស ចែកចាយខិតប័ណ្ណប្រឆាំងកូរ៉េខាងជើង នៅក្នុងប្រទេសរបស់ខ្លួនទៀត ដែលនេះជាការព្រមានដ៏រស៊ើបមួយ ប្រឆាំងនឹងសត្រូវរបស់ខ្លួននេះ។

ប្រទេស កូរ៉េខាងជើង ដែលនៅតែមានជម្លោះជាមួយកូរ៉េខាងត្បូង បន្ទាប់ពីសង្គ្រាមរវាងប្រទេសទាំងពីរ ក្នុង ឆ្នាំ ១៩៥០-៥៣ បានបញ្ចប់នោះ តែងតែធ្វើការរិះគន់ដោយពាក្យគ្រោតគ្រៀត ទៅលើប្រទេសសេរី និងអ្នកមានកូរ៉េខាងត្បូងដែលជាអ្នកជិតខាងរបស់ខ្លួន និងជារឿយៗគំរាមធ្វើសង្គ្រាម។

ការបោះឆ្នោតប្រធានាធិតីដែលជិត មកដល់នៅកូរ៉េខាងត្បូង និងគម្រោងដាក់ពង្រាយគ្រាប់មីស៊ែលដោយ រដ្ឋាភិបាលទីក្រុងសេអ៊ូល បានបំផ្ទុះកំហឹងកូរ៉េខាងជើង និងញុះញង់ឲ្យមានបទអត្ថាធិប្បាយប្រទូសរាយពីទីក្រុងព្យុងយ៉ាង។

យោង តាមភ្នាក់ងារសារព័ត៌មានរដ្ឋ KCNA បានឲ្យដឹងថា កូរ៉េខាងត្បូងបាននិយាយថា ប្រសិនបើខិតប័ណ្ណដែលរិះគន់រដ្ឋាភិបាលកូរ៉េខាងជើងនោះត្រូវបាន ចែកចាយនៅថ្ងៃច័ន្ទ កងទាហាននឹងបើការប្រយុទ្ធភា្លមៗ ដោយគ្មានការប្រាប់ទុកជាមុន។

ភ្នាក់ងារនោះបានរាយការណ៍ថា «កូរ៉េខាងត្បូង នឹងវាយតំរង់ទិសទៅតំបន់ដែលសំបូរភ្លៀវទេសចរណ៍ នៅព្រំប្រទល់ទីក្រុង Paju ចម្ងាយប្រមាណជា ២ទៅ៣ ម៉ាយពីតំបន់គ្មានយោធាដែលខណ្ឌចែកប្រទេសកូរ៉េទាំងពីរ និងដែលជាតំបន់ដែលមានការគំរាមកំហែងអស់ជាច្រើនខែមកហើយ»។ លាង ផាន់ណារ៉ា (ភ្នំពេញប៉ុស្តិ៍)