ថ្ងៃទី 27 ខែកញ្ញា ឆ្នាំ2012, ម៉ោង 10:31 AM ប្រែសម្រួលដោយ ម៉ាណែត
ប៉ាគីស្ថាន (BBC): មន្ត្រីប៉ាគីស្ថាននិយាយថា ប្រជាជនរាប់ម៉ឺននាក់ ត្រូវគ្មានទីជម្រកស្នាក់នៅ ដោយសារគ្រោះទឹកជំនន់ ខណៈពេលភ្លៀងធ្លាក់យ៉ាងធ្ងន់ធ្ងរ នៅខេត្តស៊ីន្ធ(Sindh) និងខេត្តបាឡូជីស្ថាន (Balochistan) ក្នុងប្រទេសប៉ាគីស្ថាន។
លំនៅដ្ឋានប្រហែលជា១២០.០០០ខ្នង ត្រូវបានទទួលរងការខូចខាត ហើយតង់ប្រមាណជាងរាប់ម៉ឺនផ្ទាំងក៏ត្រូវបានចែកចាយ សម្រាប់ប្រជាជនគ្មានទីជម្រកផងដែរ។
មន្ត្រីក្នុងខេត្តបាឡូជីស្ថាន បាននិយាយ ថា ប្រជាជនប្រហែល៨០% កំពុងទទួលផលប៉ះពាល់យ៉ាងធ្ងន់ធ្ងរ ដោយសារគ្រោះទឹកជំនន់ក្នុងរដួវមូសុងនេះ ប៉ុន្តែ អ្នកឆ្លើយឆ្លងព័ត៌មានបាននិយាយថា ទោះបីជាយ៉ាងណាក្តី គ្រោះជំនន់ឆ្នាំនេះ មិនមានផលប៉ះពាល់ខ្លាំងដូចកាលពីពីរឆ្នាំមុន ដែលបានបំផ្លិចបំផ្លាញប្រទេសស្ទើរតែទាំងស្រុងនោះឡើយ។
ទោះបីជាយ៉ាងណាមន្ត្រីបាននិយាយថា អាហារ តង់ និងថ្នាំសង្កូវ បានការផ្គត់ផ្គង់ស្បៀងអាហារ ក្នុងខេត្តបាឡូឈីស្ថាន មានចំនួនតិចមែនទែន មិនគ្រាប់គ្រាន់សម្រាប់ប្រជាជន ក្នុងខេត្តដ៏ធំបំផុតរបស់ប៉ាគីស្ថានមួយនេះទេ។
នៅខេត្តបាឡូជីស្ថាន រដ្ឋាភិបាលបានបង្កើតប៉ុស្តិ៍ពិនិត្យសុខភាពជូនប្រជាជន ដើម្បីជួយព្យាបាលជំងឺប្រព័ន្ធរំលាយអាហរ គ្រុនចាញ់ និងជំងឺផ្សេង័ៗទៀត ដល់ប្រជាជន៥០០.០០០នាក់ ដែលគ្មានជម្រក។
កងទ័ព ត្រូវបានអំពាវនាវឱ្យចូលរួមក្នុងប្រតិបត្តិការជាមួយភ្នាក់ងារក្រុម ជួយសង្គ្រោះ ថ្វីបើពួកគេចង់ចាកចេញពីខេត្ត ដែលក្រុមសកម្មប្រយុទ្ធតាលីបង់ ធ្លាប់ប្រើជាពីជម្រកសម្រាប់ការវាយប្រហារ ក្នុងតំបន់ជាប់ព្រំដែនប្រទេសអាហ្វហ្គានីស្ថានក៏ដោយ៕akt
