ព័ត៌មានអន្តរជាតិ: ការតវ៉ាប្រឆាំងយន្តហោះប៉ាគីស្ថាននៅបន្តដំណើរ

ក្រុងអ៊ីស្លាម៉ាបាត: តារាកីឡា គ្រីកឃីតក្លាយជាអ្នកនយោបាយ លោកអ៊ីមរ៉ាន់ ខាន់ និងអ្នកគាំទ្រលោក បានឆ្លងកាត់ការបិទផ្លូវ ជាច្រើនដើម្បីជំរុញដំណើរទៅកាន់តំបន់កុលសម្ព័ន្ធប៉ាគីស្ថាន ដើម្បីតវ៉ាប្រឆាំងការវាយប្រហារពីយន្តហោះ គ្មានអ្នកបើកបររបស់អាមេរិក ដោយផ្គើននឹងនឹងការព្រមានពីក្រុមមន្ត្រី។

លោកអ៊ីម រ៉ាន់ កាលពីថ្ងៃចន្ទបាន ដឹកនាំអ្នកគាំទ្រជាង១០០០ នាក់និងសកម្មជិនសន្តិភាពលោកខាងលិចរាប់សិបនាក់ទៅកាន់ក្រុង Tank ជាទីប្រជុំជនចុងក្រោយនៅមុនតំបន់ពាក់កណ្តាលស្វ័យត ដែលក្រុមតាលីបង់ និងអាល់កៃដា មានទីតាំងរឹងមាំ និងដែលជារឿយៗគេហៅថា កន្លែងគ្រោះថ្នាក់ បំផុតលើផែនដី។

ក្រុម អាជ្ញាធរ បានបិទផ្លូវដោយរថយន្តតុងតឺនើរ នៅលើផ្លូវហាយវ៉េ។ បន្ទាប់ពីមានការពន្យារពេលជាច្រើនដង កងទ័ពបានប្រាប់អ្នកតវ៉ាថាវាមិនមានសុវត្ថិភាពទេ នៅលើផ្លូវបន្ទាប់ពីមេឃងងឹត។ ក្រុមអាជ្ញាធរ បានបន្តថា អ្នកតវ៉ានឹង មិនអនុញ្ញាតិឲ្យចូលតំបន់កុលសម្ព័ន្ធនោះទេ ដើម្បីសុវត្ថិភាព។ លាង ផាន់ណារ៉ា ៖ ភ្នំពេញប៉ុស្តិ៍