កងកម្លាំងរដ្ឋាភិបាលស៊ីរី បានគ្រប់គ្រង ទីក្រុងចាស់ហូមឡើងវិញ បន្ទាប់ពីការជម្លៀស ចេញនៃកងទ័ពឧទ្ទាម ។ ទូរទស្សន៍រដ្ឋបានប្រកាសកាលពីថ្ងៃព្រហស្បតិ៍ថា ទីក្រុងចាស់គឺ “គ្មានទាំងស្រុង នៃក្រុមភេរវករប្រដាប់អាវុធ” ទៀតទេ ប៉ុន្តែក្រោយមកក្រុមមន្ត្រីបានបញ្ជាក់ថា ការជម្លៀសនេះ គឺមិនទាន់បានបញ្ចប់ទាំងស្រុងនៅឡើយទេ ។
មុននេះ អភិបាលក្រុងហូម លោកតាឡាល អាល់បារ៉ាហ្សី 9ទាលាល លៅ-ពារាឋិប បាន និយាយថា យុទ្ធជនជាង១.៥០០នាក់ និងសាច់ញាតិរបស់ពួកគេបានចាកចេញ ចាប់តាំងពីថ្ងៃ ពុធ ។ ការជម្លៀសនេះគូសបញ្ជាក់នៃការបញ្ចប់ ការប្រយុទ្ធគ្នាបីឆ្នាំមកនេះ នៅក្នុងទីក្រុងហូម ។ ហូមជាទីក្រុងទីបីរបស់ប្រទេសស៊ីរី ដែល ត្រូវបានគេហៅថាជា “រដ្ឋធានីបដិវត្តន៍” ។
តំបន់ ភាគច្រើននៃទីក្រុងនេះ បានធ្លាក់ទៅក្នុងកណ្តាប់- ដៃបក្សប្រឆាំង នៅក្នុងឆ្នាំ២០១១ ប៉ុន្តែពីរឆ្នាំ កន្លងទៅនេះ កងកម្លាំងរដ្ឋាភិបាលបានវាយ ដណ្តើមគ្រប់គ្រងបានមកវិញបន្តិចម្តងៗ ខណៈ ដែលគេហដ្ឋានរាប់ម៉ឺនខ្នងនៅក្នុងតំបន់នោះ បានស្ថិតទៅក្នុងការឡោមព័ទ្ធ និងការបាញ់ ផ្លោង ៕