ក្រុមមន្ត្រីនិយាយថា យ៉ាងហោចណាស់ មានមនុស្សម្នាក់ត្រូវបានស្លាប់ និងរាប់សិបនាក់ រងរបួស បន្ទាប់ពីការរញ្ជួយដីជាបន្តបន្ទាប់មួយ បានវាយប្រហារតំបន់ភាគខាងត្បូង ប្រទេស ប៉ាគីស្ថាន ។
ការិយាល័យអង្កេតភូគព្ភសាស្ត្រសហរដ្ឋអាមេរិក បានរាយការណ៍ថា ការរញ្ជួយដីនេះ មានកម្រិត៤,៦ ដែលបានវាយប្រហារភាគ ខាងជើង នៃទីក្រុងណាវ៉ាបស៊ាស (Nawab-shah) នៅក្នុងខេត្តសីដ្ហ (Sindh) ។ វាប៉ះ ទង្គិចក្នុងទំហំប្រហែល១៥,៤គីឡូម៉ែត្រ ។
ប្រព័ន្ធផ្សព្វផ្សាយប៉ាគីស្ថាន បានរាយការណ៍ថា ដំបូលនៃអគារជាច្រើនបានដួលរលំ អគ្គិសនីត្រូវបានកាត់ផ្តាច់ និងស្ថានភាពនៃការ សង្គ្រោះបន្ទាន់មួយ ត្រូវបានគេប្រកាសឡើង ។ កាលពីខែកញ្ញា មានការរញ្ជួយដីដ៏ធំមួយ បានសម្លាប់មនុស្សជាង៣០០នាក់ នៅក្នុងតំបន់ ដាច់ស្រយាលភាគអាគ្នេយ៍ ខេត្តបាឡូជីស្ថាន (Balochistan) នៃប្រទេសប៉ាគីស្ថាន ៕
